ITXAS SOINUA NAZIOARTEKO MUSIKALDIA

Kaixo Lagun! Prest zaude musikaldiaren 2025-eko 45. ediziorako? Aurreko edizioko ildo berbera jarraituz, mundu klasikoko eta modernoko musika proposamenik onenak dakartzagu aurten ere. 

Edizio honetan denetarik izango dugu. Musika klasikoa gustoko dutenentzat, Xabier Zeberioren azken lanetik hasiz eta Ganbara Abesbatzak proposatu digun esperientzia traszendentaletik pasatuz, Iberian Brass-en haize-metalezko instrumentuek ekarriko diguten soinu epel eta aberatsaz gozatu ahal izango dugu.

Musika modernoa, jazz-a eta erritmo Brasildarrak gogoko dituztenentzako, Geraldine Trio-ren proposamen intimotik abiatu eta FEMMM + Band taldeak eskainiko dizkigun kolorezko harmonien artean bidaiatzeko aukera izango dugu.

Aurten gainera, musikaldia ahalik eta inklusiboena egiteko, kontzertuetarako sarrerak aldez aurretik fisikoan eta bertatik bertara erosteko aukera egongo da! Beraz, adi egon albisteei.

Beti bezala, espero dugu denok guk bezalako zirrara sentitu dezazuela eta aurtengo Itxas Soinua Nazioarteko Musikaldiaz goza dezazuela! Eskerrik asko ikusle ;) 

Eman begirada bat aurten datorrenari:

  • Uzt. 18 | XABIER ZEBERIO

    Aurtengo edizioan Xabier Zeberio bere proposamen berriarekin dator: “Pause”. Duo formatu intimoan gozatu ahal izango dugu, teklatuan Iñar Sastreren laguntzaz.

    Sarrerak

  • Uzt. 19 | GANBARA ABESBATZA

    Oinatiko Ganbara ahots mistoen abesbatzak beraien proposamen berria dakar gurera. “IN PERPÉTUUM”-ek betierekotasunaren inguruan hausnartzera eramango gaitu.

    Sarrerak

  • Uzt. 20 | IBERIAN BRASS

    Musikari gaztez osatutako metal hamarkote honek beraien soinu boteretsu eta aberatsa eskainiko digu. Xabi Gabiola tronpetajole Lekittarra beraiekin izango da.

    Sarrerak

  • Uzt. 24 | GERALDINE TRIO

    Geraldine Ramírez, Ricardo Urrutia eta Aitor Bravo-k osatutako hirukote honek jazz eta bossa nova erritmo paregabeak ekarriko dizkigute gurera.

    Sarrerak

  • Uzt. 25 | FEMMM + BAND

    FEMMM jazz emakumezko ahots taldea “Aquatic Vocal Jazz” proposamenarekin dator gurera. Ahotsez osatutako harmonia koloretsu eta liluragarrietaz gozatu ahalko dugu.

    Sarrerak